Related Stories
ALANG SA LALAKE
Ang lalake nga matawo sa pagsilang ning bi tuona masusisusihon ug kiriwan, tigpakaaron ing non ug bakakon, magpatuo nga makamao, hambugiro ug tikasan. Dili mamati sa bisan unsang tambag tungod sa iyang hugot nga pagtuo nga makamao siya. Makakita siya sa iyang kapalaran sa sabakan sa usa ka babaye nga sapian ug gikan dinhi mahimo siyang bahandianon ug makapa nag-iya sa mga dagkung patigayon ug ning pangita-a mouswag siya ngadto sa kahitas-an.
Maoy naangkon niya nga kadautan ang tubig ug mga mananap. Angay siyang magbantay ning mga butanga. Moabut kaniya ang mapintas nga balatian sa magkagulangon ug 31 ug sa katapusan 41. Apan kon makagawas siya ning mga balatian, maabut niya ang 62 ka tuig ug sa katapusan maayong amahan ug bana.
••LALAKE••
Ang batang lalake nga matawo ubos sa Bitoong Taurus. Matawag na usa ka dakung kargo sa inahan ug amahan. Maangkon niyang signus ang pagkakiriwan ug pagkatuso. Samtang siya gamay pa, kinahanglan gayud ayuhon pag agak sa iyang ginikanan sa dalan sa kalinis ug katarung. Dili siya ipaduol sa mga bata nga himalikas ug way batasan. Aron dili musamot ang iyang kadautan. Anaron siya sa pagsimba ug pagpangumpisal. Putlon ang mga taras ug buhat niyang mangil-ad. Kining bataa bakakon. Alang kaniya, husto ang iyang pagtuo. Dili maminaw sa tambag sa mga tigulang.
Kon pamation ni Bathala ang tim-os niyang pag-ampo. Siya maluwas sa disgrasya. Mahimo siyang usa ka tawo nga linis ug kinabuhi. Makiangayon, manggihatagon. Ang babaye nga iyang maasawa, makatagamtam sa katam-is sa iyang gawi ug ang iyang mga anak, mabulahan sa iyang kinasingkasingnga pagmamahal.
Ang iyang kinaiyang pagkamasusi-sisihon mosangpot sa maayong umaabot kaniya. Labina kon siya makatunob sa hataas nga tunghaan. Maminyo sa usa ka babayeng bahandianon. Hulgaon siya sa mga balatian sa iyang panuigon na 12 ka tuig, 30 ug 31. Kon patalinghugan sa Mahal nga Birheb ang iyang pag-ampo. Mopuyo siya hangtud sa ika 62 nga panuigon.
ALANG SA BABAYE
Lahi sa kinaiya ug taras sa lalake nga matawo sa pagsilang ning bituona, ang babaye maako akohon, mahuyang ug kasingkasing mahigugmaon sa suroysuroy, maayong mangita ug salapi, apan dili makatigum tungod sa iyang pagkagastador, matahum ug ambungan ang barug makabibihag ug panagway. Duna siyay kaanyag nga makakabig sa kaulitawhan, ulipon sa bisti ug tighindik. Dautan ang kapalaran nga maangkon ning babayhana kay kon maminyo ug manganak, ang ilang mga anak lalake mangaminyo sa mga iskirol kanang mga babayeng mananapaw.
Labing daku ug mapintas nga balatian nga iyang bation sa magkagulangon siyag 30 ug 33, apan kon makagawas siya ning kastigo ni Bathala madangat niya ang kagulangon nga 66. Sa katapusan makisanduruton nga asawa.
••BABAYE••
Ang batang babaye nga mahimugso sa pagsilang sa Bitoon Taurus. Kini pagatugkan sa kapalaran sa makabibihag nga kaambong ug katahum. Mahigigmaon sa mga maanyag nga sapot ug pahumot. Siya pagadugokan sa dili maisipnga buyog sa gugma. Mahuyang ang iyang kasingkasing. Mahigugmaon sa mga lulinghayaw.
Ang nakaayo kaniya. Mao nga ang iyang kaanyag pagaduyugan sa iyang pagka maayong mangitag salapi. Apan dili siya makatipig ug daghang salapi. Sanglit siya, sayunan lang mugasto sa iyang kwarta. Buhong sa himaya ang i6ang pagkadalaga. Apan katungdanan niya ang pagbaton sa makanunayong debosyon sa Diyos. Tungod kay signus niya ang magguol siya sa iyang pagka inahan.
Abuton sa mga katalagman ang iyang mga anak. Kon babaye ang iyang anak, paangkan. Kon lalake, sugarol, palahubog ug himbabaye. Mabawi unya kining mga disgrasyaha basta dili siya malimot sa Ginoo. Siya makisandurotong kapikas sa kinabuhi ug maatimanong inahan.
Muabot ang mapintas nga sakit sa iyang kagulangon 30 ug 33. Iniggawas niya ining mga balatiana, madangat niya ang panuigon nga 66.
Ning adlawa maayong ipamalit ug hayupan kay halayo ra sa sakit ug magsilbi ug dugay sa tag-iya, maayong panahon sa pagbalhin sa balay ug sa pakig-uban sa patigayon kay makaganansiya gayud. Mao kini ang labing maayong panahon nga ibuhi ug puhonan sa mamala kay madaling mahalin apan dautan sa dagat tungod kay mahiduol ra sa disgracia. Walay pulos niadtong mga bata nga pagapurgahon sa ilang mga ginikanan ilabina kon iniggula ning bituona kon mahiatol nga mag-init.