Related Stories
ALANG SA LALAKE
Ang tanang batang lalake nga matawo nga mahiatol sa pagsilang ning bituona, maayong ma mumulong, maglalantugi ug dali ra nga makakaplag ug kadaugan; kun ayum-ayumon maayong mo alagad sa iyang isigkatawo. Apan kon masuko makalilisang ug mapintas kay iya gayung tinuoron hangtud nga makabalus. Mga dagkung samad ang iyang maangkon ug piligro kaniya ang dagat, ma gapaibabaw kanunay sa iyang hunahuna ang paglangyaw sa mga lagyong dapit ug pagtaak sa laing mga yuta ug didtong dapita adto na niya hikaplagi ang iyang kabulahanan sa panginabuhi.
Kon didtong dapita dili man gani siya matigayon tungod sa mga hinungdan nga malisud tukibon dinhi, mahibalik siya sa lapyahan sa iyang yutang natawhan ug dinhi anha na gayud mosangput ang iyang mga paninguha kay ang iyang nakat-onan sa laing dapit maoy makatabang pag-ayo.
Mga dagku ug naglainlaing sakit moabut kaniya, apan ang makalilisang mao ang sakit nga motakboy kaniya sa magapanuigon siyag 30 ka tuig ug malisud tagnaon kon kining sakita maluwas ba siya, apan kon ang palad mobalik kaniya ug makaluwas ning makalilisang nga sakit wala nay laing sakit nga moabut pa kaniya ug kon makusog ang iyang "naturaliza" moabut siya sa kagulangon nga 68, sa katapusan maayong nga amahan ug mapinanggaon nga bana..
••LALAKE••
Ang batang lalake nga mahimugso dungan sa pagsubang sa Bitoon Acuario. Makaangkon sa maayong kapalaran bahin sa kahait sa utokan. Undanon ang mga bunga sa iyang pangisip ug batid mogamit niini sa pangatarungan. Maila sa pagkamaayong mohan-ay sa iyang hunahuna sa atubangan sa kadaghanan. Igmat mamulong ug molantugi.
Samtang higugmaon niya ang dapit nga gimat-an niyag kahayag. Ang iyang damgo mao ang paglangyaw ss laing kayutaan diin didto iyang hipalgan ang kalipay ug kaayohan ss iyang pagkatawo. Kon mahitabo man ugaling nga maiya ang kapakyas sa laing kayutaan, mahibalik siya sa iyang lungsod. Ug sa dili madugay iyang makab-ut ang butang mapuslanon nga nahipus sa panaw.
Malumo ang iyang kasingkasing alang niadtong matinahuron kaniya. Apan, usa ka mapintas na kaaway kon pakitaan sa dautang taras. Dili hakog, apan hilabihan modumot kon maoy hakugan.
Gawas nga piligriso kaniya ang paglabang labang sa lawod. Lagmit: siya masamad ug sulod sa iyang kinabuhi motakboy ang daghang balatian. Mag-antus siya sa dakung sakit inig abot sa ika 30 ka tuig sa iyang panuigon. Kon hugot ang iyang pag-ampo sa Diyos maliwas siya ning makalilisang sakit. Wala nay piligrosong balatian ang moabot kaniya ug kon kusog ang iyang naturaliza makapahimulos siya sa kagulangon nga 82 ka tuig.
Mabuligon sa kahuyang sa lungsudnon, ingon sa pangilin. Mahimong amahan sa mga anak nga tugob sa iyang pagpangga ug usa ka solundong bana.
ALANG SA BABAYE
Ang babaye nga matawo sa pagsilang ning bituona, maugdang ug kinaiya, malisud nga limbongan sa isigkaingon ug tungod sa iyang pagka mabantayon maoy iyang tuhoan kadtong iyang makita sa iyang mga mata.
Kanunay nga dili maulahi sa pagmata ug mopaingon dayon sa iyang buhat; maantigong ma ngurikuri sa bisan unsang buhat sa panimalay ug tungod ning iyang pagkamaukit-ukiton sa pagtuon sa butang nga may kapuslanan, mosangko sa do kung pagdaug ug mabuhi sa iyang kaugalingong paningoha. Labing dautan kaniya ang pagpatun-og ug kon magpasagad siya maoy mahimong hinugdanan sa usa ka dakung sakit nga moyudyud kaniya ngadto sa lubnganan.
Kinahanglan nga ibutang niya sa igong panahon ang pagkaligo, paghilam-os ug pagpamati-is. Gikan sa ivang pagkatawo hangtud sa magkagulangon na siyag 35 ang iyang kinabuhi mag-ungaw sa balatian ug kon maluwas siya niini maabut niya ang kagulangon nga 62.
••BABAE••
Ang batang babaye nga molusad sa kalibutan iniggula sa Bitoon Acuario. Katahaan uyamot ug tahuron sa mga tawo. Bugnaw ang buot. Malisud patuhu-on sa wala niya makita. Kinaiya niya ang magpalutang gayud sa matuod nga kamatuoran. Kaaway niya ang pagpanlimbong. Ang iyang nawong garbusahon ug dili usab hilabihan kasayag.
Kon hatagan sa iyang higayon makakab-ot sa tag-as nga kaalam ug makahupot sa mga maayong katungdanan. Ang iyang gugma muturok dili tungod sa kidlap sa buwan. Kon dili tungod sa kaligdong ug pamatasan sa mangulitawo kaniya. Walay kalauman alang kaniya ang lalake nga magminaut.
Gusto mohiling hiling sa mga basahon hangtud hikalimtan usahay ang pagkaon ug igong pagpahulay. Dili makatan-aw'g buhat. Natawo siya alang sa panguri-kuri sa panimalay. Angay likayan niya ang pagpalabi sa buhat o pagtuon kay kun dili, takboyan siya sa sakit nga hayan makada-ut sa iyang lawas.
Mosangko siya sa kagulangon nga 62 ka tuig kon mag-amping lamang siya sa lawas. Kon dili mamatay siya kay mag-agi siya sa sakit hangtud sa 35 ka tuig ang panuigon. Kinihanglan likayan ang pasmo sa kusog. Ibutang sa lugar ang pagpanghilam-os, paghugas ug tiil ug uban pa.
Alang sa mga magbabaligya kining adlawa maayo kaayo nga ipamalit tungod kay madali rang mahalin. Kon mga panapton man gani, punsisu kan sa mga mamalit ug mananap man gani,ang mapalit mahilayo sa sayong kamatayon. Ug kon mao man ganing adlawa isulod sa usa ka binatu nan halayo ang pagpahawa. Maayo usab kining adlawa sa magtukod ug balay pagbuhat ug saka yan ug maoy diboynas nga adlaw alang niadtong mga humohupot sa katungdanan kay halayo sa mga kadaut ug panimalus sa mga kaaway. Ma ayong adlaw sa pagpananum sa uma kon kaingin maayo usab nga adlaw ipukan sa mga haligion sa balay kay halayo ang kagabok. Maayo usab ki ning adlawa ipanilhig ug asin kay daghan ang ma pundok, maayo usab nga ilana, kay daghan ug lana.