Related Stories
ALANG SA LALAKE
Mahilumon apan tigpalabawg hambog, tigpa kaaron-ingnon bisan walay hibangkaagan, hataas ug panlantaw sa unahan tungod niini mahikalimot usahay sa iyang buluhaton, madamgohon, talawan sa mga maisug, apan maisug sa mga talawan, mao kana sa lakbit ang kinaiya sa batang lalake nga natawo sa pagsilang ning bitoona.
Nagkalainlaing sakit moabut kaniya tungod sa iyang pagkalihokan apan ang laing daku mao ang sakit nga makalilisang nga motakboy kaniya sa magkagulangon siya ug 38. Kon makusog ang iyang "naturaliza", makagawas siya ning sakita ug magpabilin siya ning kalibutan hangtud sa ka gulangon nga 59 ug sa katapsan, dili maayong amahan, apan makisandurotong bana.
••LALAKE••
Ang batang lalake nga mahimugso atol sa pagsidlak sa Bitoon Pisces. Nahimutang sa duna ka bulok na hiyas. Kon siya hilumon, mahait ang iyang utok. Hataas ang iyang panglantaw sa iyang umaabot. Mahigugmaon uyamot sa mga basahon. Makab-ut niya ang kaalam ug kabantug. Manggibuhaton ug maisog. Himili sa mga babaye. Dili magpatakag pangulitawo. Gustong mopuyo sa panimalay. Dili gusto kaayo sa mga kalingawan.
Kon kining bataa, masabaan ug buhaha ang baba. Siya mabaw ug pangisip. Hambugiro. Tigpalabaw ug sulti. Mauna-unahon ug mahilabtunon sa iyang isigkatawo. Apan talawan kon suklan na. Mahigugmaon sa mga sayaw, bisting mahal ug pagawal. Magpatakag pangulitawo. Katungdanan sa iyang ginikanan ang pagpahinungod sa mga dautang hiyas sa ilang anak.
Ang una ug ikaduhang bulok ning bataa, sama sa mga sakit na paga-agian. Takbuyan sila sa daghang makalilisang sakit. Labi na sa ika 38 niya nga panuigon. Kon tim-os ang ilang pangaliya sa langit ug kon kusog ang iyang naturaliza, muabot siya sa ika 59 nga panuigon.
ALANG SA BABAYE
Maligdong, buotan, mapuangoron ug maluluy-on, kaaway sa mga palabilabihon, apan higala sa mga malumo ug kasing kasing mao kana ang palad nga naangkon sa babaye nga natawo uban sa pagsilang ning bituona, Kaaway gihapon niya kadtong isigkababaye nga tigsundog-sundog sa mga butang lumalangyaw ug supak gihapon sa iyang kasingkasing ang pagtampalas sa ilang mga ginikanan. Maoy naangkon niyang signus ang init ug kon dili siya hibantayan maoy makahatud kaniya sa iyang lobnganan. Sa katapusan, maayo siyang asawa ingon man nga mahigugmaon ug maluluy-on nga inahan, Modangat siya sa kagulangon nga 59.
••BABAYE••
Ang batang babaye nga motungha sa kalibutan dungan sa pagsubang sa Bitoon Pisces. Aduna sa mga dalaygong hiyas ni Maria Clara. Higala sa mga kabus ang iyang kasingkasing. Humok kaayong matandog sa mga tawong makaloluoy. Dili magpanuko sa paglimos sa mga makalilimos ug uban pang giabot sa disgrasya. Alang kaniya, sala ang pagtamay sa isigkatawo. Mosinta sa kalagot koj makakitag palabilabihon. Dili tig panumbalay. Kalipay niya ang pagbuhat buhat sa sulod sa balay. Ingon man kaaway niya ang pag-awat sa mga buhat nga langyaw.
Kin imo siyang mahinigugma. Siya maayong muamping ug saad. Maloluy-on nga asawa ug maanghop na inahan. Supak sa iyang lawas ang init. Kon dili siya magmatngon maoy makalugtas sa itang kinabuhi. Ang panabang sa Diyos mao ray makapataas sa iyang kinabuhi nga ika 59 nga panuigon.
Kining adlawa maayong ipamalit ug mga mahal nga alahas sama sa diamante, perlas, brillante ug uban pa kay halayo sa disgrasya. Maayong ipanakayan ug ilangyaw kay halayo sa mga kadautan, apan alaut kadtong tawo nga mahisulod sa bilanggoan ning adlawa kay madugay ang iyang kagawasan. Wala usay pulos idawat ug mga binatunan kay madali rang mangawat, apan maayong iminyo sanglit bugnaw ang panahon ug ang panimalay mahilayo sa mga kadautan gumikan sa mga away-away sa bana ug asawa.