Related Stories
ALANG SA LALAKE
Ang lalake nga matawo atol sa pagsilang ning bituona mahilumon, matinahuron, mahigugmaon, mahigugmaon sa pagsuroy-suroy sa mga dapit nga halayo nga maoy iyang kapangitaan sa dakung katigayonan ug makakaplag siya mga dakung bahandi ingon sa yuta, balay ug uban pa gumikan sa iyang kaugalingong pagkugi.
Dili gusto nga bugal-bugalan, putong, ingon man nga dili gusto nga tinontohan sa iyang mga higala sahi sa limbong sa pulong ug sa buhat, Manggihatagon ug dili mahikalimot sa mga utang kabubut-on nga iyang maani sa laing tawo, Kon maminyo siya dili kaayo manganak ug daghan.
Masakit siya sa magpanuigon ug pito ka tuig ug ang iyang kinabuhi mag-ungaw sa kamatayon, apan kon maluwas siya ning sakita, atakihon gihapon siya sa balatian sa magkagulangon ug na pulog walo (18) ug sa katapusan sa magpanuigon siyag 37 ug kon makusog ang iyang naturaliza maabut niya ang 68 ka tuig. Sa katapusan maisug nga amahan, apan maluluy-on nga bana.
••LALAKE••
Ang Bitoon Libra nga makaluha sa batang lalake. Nagpaila nga ang bata, gipahiangayan ni Bathala sa kakugihan ug uban pang buluwanong mga hiyas. Kining bataa sukad sa gamay pa mudani sa mainitong pagpangga sa iyang ginikanan tungod sa pagkahilumon ug pagka matinahuron sa iyang mga magulang ug edad. Dili magmug-ot kon imong suguon, kanunay ang saya sa iyang panagway.
Sa batan-on pa, magdamgo siya sa pagsuroy sa lagyong dapit.Ang iyang amahan ug inahan supak nga mahilayo siya. Apan sa ngadto ngadto sila malukmay sa iyang bugnawong hangyo nga tugotan lang siya sa paglangyaw. Sa lagyong kayutaan iyang hipalgan ang dakung katigayunan. Makahupot siyag bahandi, makapatindog ug dakung pinuy-anan.
Putong nga pagkatawo. Tagsa ray sulti. Kon dili sugton sa babaye sa unang hangyo, dili na usab siya magtagad. Kon maoy mahigigma, i-unong ang tibuok niyang kinabuhi. Magapamahit sa iyang dila kon limbongan.
Abuton siya sa dakung sakit sa panuigon 7, 13 ug ika 37. Kon kusog ang iyang naturaliza ug kinasing-kasing ang iyang pag-ampo sa Diyos. Siya muabot sa kagulangon 68 ka tuig.
ALANG SA BABAYE
Ang bata nga matawo atol sa pagsilang, ning bituona, mahinayon dili bagis manggiloy-on ug dili maantigong mobudhi sa iyang mga higala. Gusto siya sa kasadya ug kalipay ug sa mga bahan bahan ug tungod niini mahimo siyang inilang hinalaran ug tinahod sa mga kaulitawhan,
Kining mga matanga sa babaye maayong magpatigayon ug musangput sa dakung pag-uswag tungod sa ilang talagsaong kinaiya ug paagi pagpalit ug pagbaligya. Apan ang labing masulob-on nga bahin sa ilang kinabuhi mao ang ilang pagkahulog gikan sa kahitas-an, sa iyang pagkainila sa katilingban ngadto sa pagkaalaut og tinamay. Kinahanglan nga magbantay siya nga dili madakin-as ning madangog nga kalibutan.
Kon maminyo sab managbuwag. Gumikan ning daghan nivang mga kadaut nga hiaguman masakit siva sa kasingkasing magmulo sa rinyon ug sa katapusan sa baga. Ang mga hut-ong sa sakit nga iyang antuson mao kining mosunod: diabitis nep ris, sakit sa kasingkasing, sakit sa rinyon, sakit baga. Makagawas siya ning sakita maabut pa ang kagulangon nga 67 ka tuig ug sa katapusan maluluy-ong inahan ug paraygon nga asawa.
••BABAYE••
Ang batang babaye nga natawo dungan sa pagsidlak sa Bitoon Libra. Mahuyo ug sulundon ang pamatasan. Hinayun manulti-sulti, puno sa kaluoy ang iyang kasingkasing. Mahigigmaon sa kasaya ug lingawlingaw. Hinugupan siya sa daghang maghahalad. Maayong mubalibad sa mga ulitawo nga wala niya higugmaa.
Mahimong sapiang magpapatigayon. Apan, kinahanglan nga sa gamay pa siya e-ampo na sa iyang ginikanan. Pahinungdan sa bug-os nga paghalad sa Dios. Sanglit nahisulat sa iyang palad nga dali siyang maligas ning madanlog nga kalibutan kon maminyo. Tudluan siya sa paghimog dibosyon sa diyutay aron inig kadaku na niya. Siya na mangaliya kang Bathala nga ipalayo siya sa kadaut.
Masabug siya sa pagbati sa sakit sa kasingkasing, sa baga ug sa ginhawaan. Mosangko siya sa ika 67 ka tuig kon kaloy-an siya tungod sa iyang debosyon.
Ang tanang mga adlaw sa pagsilang ning bitoona maayong ipamalit sa mga gihunahunang pa liton kon ibaligya man ugaling madali rang ma halin ug kon tipigan man gani dili daling madunot. Maayong panahon nga i-atubang sa mga punuan kon may kinahanglan kay dili ka gayud balibaran; apan dili maayong isugod sa paghalad sa babaye kay malagmit kasab-an. Apan maayong ipananum kay daling mamunga ug maayong ikalot sa kamote kay dili bukbokon.